Índice

Poética

Declive con evidencias

A poesía é unha arma
cagada de futuro.
Fuches tu, fuches tu, 
o que a fuches cagar ao palleiro;
fuches tu, fuches tu,
que aínda levas os versos no cu.

 

 emoticono bomba

 

Banda sonora ♦♦

A Poesía morreu, longa vida á Poesía.
LAWRENCE FERLINGHETTI

 

11

Incógnita

Era poeta pero non sabía explicar
os seus libros.
Ninguén soubo se carecía
de discurso ou consideraba que a especie
 non debe recrearse
nas miudezas do mundano.

:-#

 

13

Motivos

Escribo poemas por pracer.
Escribo poemas con pracer.
Escribo poemas por compracer
a un dos que tamén
son
eu.

Soy un escritor deleznable
pienso en la literatura
soy un pequeño burgués
las directivas
no puedo obedecer

SAÚL YURKIEVICH

14

Cometidos

Para que serve a poesía,
pregúntame erguendo a man
no aire con decisión
entre os demais adolescentes.
Calo durante uns instantes,
contrariado e dubitativo.
É a pregunta máis estúpida
de todas cantas me fixeron.
–Para que ti poidas preguntarmo
e eu teña
que pensalo–,
respóndolle sentindo
ese alivio
que produce
unha mexada urxente.

A poesía…

Poeta: problemas de
eneurese cos versos?
Chama ao 601.666.999

15

Poeta baleiro

A verdadeira poesía é
aquela que fala dos sentimentos,
dixo sentíndose auténtico.
E, coas súas palabras,
baleiroume
de contidos.

(Diagnóstico: incapacidade sensitiva permanente)

Sentimentos

 

 

16

Identidade

A poesía,
pero que é a poesía.
Máis dunha insegura resposta
deuse a esa pregunta.
E eu non sei, e sigo sen saber, e a isto me agarro
coma a un oportuno pasamáns.
W. SZYMBORSKA

?

♦♦

Poeta en paro ofrécese para escribir versos.

17

Apetencia

Non me apetece escribir
os versos máis serios esta noite;
escribir, por exemplo,
a poesía anda perplexa e
cabalga o desconcerto
no trazo da túa/miña man.
Só quero escribir
de nada.
Iso é todo.
Non me apetece, é certo,
pero talvez os escriba.
Aínda que se poña tan rimbombante
a poesía e tan enorme o baleiro
que a miña alma se contente
con saber que escribo.

A P. N., claro

18

Perdurabilidade

Se escribise un poema
no tempo
en que é capaz de resistir
unha mosca
debaixo da auga,
a miña obra
tería a resistencia do cosmos
pero entraría na categoría
das cousas molestas.

19

Conditio sine qua non

O poeta e último Premio Cervantes, Antonio Gamoneda, defendeu hoxe o carácter minoritario da poesía, xa que, na súa opinión, trátase dunha condición que garante, a diferenza doutros xéneros literarios como a narrativa, que «non teña que obedecer as leis de mercado e poida ser libre».

http://www.elmundo.es/elmundo/2006/12/02/cultura/1165078003.html

nota-musical

Cando liberamos a narrativa?  

Mans á obra, narradores do mundo!

20

A salvo

Non temos lector@s e por iso
estamos a salvo das tentacións do mundo.
Pechade, por favor, as portas
da poesía.
Que non nos vexan os inimigos.
Na liña do horizonte somos
un diminuto punto
invisible
de silencio.
Somos un ourizo
que sabe protexerse.
O cambio climático poderá
destruír o mundo, pero
@s poetas sempre
estamos a salvo.
Sobrevivimos.
Sobrevivimos

S
o
b
r 
e
v
i 
v
i
m
o
s
21

Dúbida

A poesía é coñecemento,
digo en público.
E canto máis escribo
menos certezas teño.

uneasy

certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas

Ver Subversións, páxina 177

♦♦ Contradictio

22

Erótica

A erótica da poesía
sedúceme.
Por iso case sempre
escribo
empalmado.
Pero nunca me corro.

Problemas de virilidade?

Chama ao 601.666.999

 

23

Madureza

Verde que te quero verde
FEDERICO GARCÍA LORCA

Noto
que a madureza
enche
os meus poemas
co pouso
resabido,
escéptico
e acedo
da retranca e
con todo
preferiría
a insultante
inconsciencia
do poema
aínda verde.

24

Subpoética

O que máis me inspira
é o arrecendo concentrado
que desprenden os teus versos.
Úloos, aspíroos, lámboos
suavemente e reléoos,
masturbándome
acompañado dun poema
escrito da túa man.
Nunca vin versos tan tanxibles
e con tanta

Fantasia textual

Corro
polo teu corpo.
Viaxo
sen sentido.
LUPE GÓMEZ

Grabo versos de colores fríos en tu piel
ELENA MEDEL

 

25

Crítica

O libro non toca
os grandes temas
da poesía
nin pertence
á alta literatura,
escribiron nunha crítica
sobre o seu último poemario
na sección máis sublime
dunha revista ilustrada.
Desde aquel día, cada vez
que elixe o tema
dos poemas,
apálpalles a altura
tenteándoos cos dedos,
pon á súa beira
a cinta métrica

bomba

 

26

Fracaso

Onde ole a merda, ole a existencia
ANTONIN ARTAUD

Cando non me saen
os poemas
lembro
os momentos
en que estou
estrinxido.
Por máis forza
que faga
só consigo
que asome un delicado
fío de merda.

-:-)

27

Conto A

Había un poeta moi pequeniño que escribiu un verso
e chegou un poeta pequeniño que o reescribiu
e chegou un poeta pequeno que o reescribiu
e chegou un poeta mediano que o reescribiu
e chegou un poeta grandeiro que o reescribiu
e chegou un poeta grande que o reescribiu
e chegou un poeta moi grande que o reescribiu
e chegou un poeta enorme que o reescribiu
e chegou o Gran Poeta que o reescribiu
e cando o rematou, co esforzo, desintegrouse
porque era unha creación virtual
e en realidade tamén era un poeta
moi pequeniño
e se esta historia che parece curta
volveremos volveremos a empezar.

nota-musical
28

Conto B

Había un poeta moi pequeniño que escribiu un verso
e chegou un poeta pequeniño que o reescribiu
e chegou un poeta pequeno que o reescribiu
e chegou un poeta mediano que o reescribiu
e chegou un poeta grandeiro que o reescribiu
e chegou un poeta grande que o reescribiu
e chegou un poeta moi grande que o reescribiu
e chegou un poeta enorme que o reescribiu
e chegou o Gran Poeta que o reescribiu
e cando esta historia estaba a piques
de volver de volver a comezar
chegou unha poeta
que escribiu
un poema novo.

29

Conxugación

O eu
e o un
son dúas
manifestacións dun
mesmo poeta.
O ti e o el
son dous disfraces
dun mesmo poeta.
O nós son varias pendanterías
dun mesmo Poeta.

Cal é a máis arrepiante das cousas arrepiantes?
Un pedante que quere mostrarse relaxado
GOETHE

Ligazón poética

30

Escala de valores para poetas (malditismo)

_________
Entre 35 e 55,5 puntos: es un verdadeiro poeta (poeta maldito)
Entre 10 e 35 puntos: es un poeta
Entre 0,5 e 10 puntos: escribes poesía

 

Ver Transición, páxina 74

31

Do you think?

Do you think I’m sexy?
Do you think I’m poetic?

-:-)

Mi madre dice: escribes y no ganas ningún premio.
No puedo prostituir el valor de lo poético,
la relación atroz que tiene con el dolor,
con lo mágico, lo terrible.
MARCELO MORALES

Hai algún rebelde con causa?

—Gústame moito ese poema teu que non di nada.
—Cal?

32

Poética Feng Shui

Poesía do Acougo
O pozo dos soños

Silencio

Enerxía

Equilibrio

Orientación

Espazo

Harmonía

Poética Feng Shui

A dimensión máis pura da poesía

Evitar o poema da páxina 89 de Tortillas para os obreiros

35

Ao caduco xeito petrarquesco

Xentil lírica miña, vexo no movemento
dos vosos versos a dozura do lume
que me ensina o camiño que ao ceo conduce;
e quero, como eterno costume,
onde unicamente Poesía é a miña compañía,
que o meu corazón sobre vós se debruce.

Rebelde con causa

«Cando se pertence á poesía, a ese escándalo case amoral da poesía, todo o mundo admira aos malditos»

http://www.xornal.com/artigo/2010/01/17/suplementos/contexto/carlos-oroza-poesia-no-vocacion-fatalidad-escoge-victimas/2010011700461400203.html
38

Investigación

—Isabel –pregunteille–,
sabes se os polifenois das uvas
producen efectos retardantes
sobre a oxidación
da poesía?
—Estamos a estudar
–respondeume contundente–
se a inhibición puidese proceder
dos compostos fenólicos
dos propios
poetas.

http://museodomar.xunta.es/gl/explora/290/neuston-experimento-1-explorando-a-interface?pg=2

http://www.xerais.es/libro.php?id=2798003

39

Fidelidade

Fidelidade? –díxolle ela
cun bico–.
Eu só
son fiel a min mesma.
Á poesía,
tampouco.

Poeta en paro ofrécese para escribir versos.

41

Somnífero

es a ilusión con que te creo
MARÍA XOSÉ QUEIZÁN

A poesía
non produce.
Engana.
Autocomprace
a quen a escribe.

Escribir é unha fraude.
DAVID RODRÍGUEZ

 

42

Hipocrisía

A poesía agacha
no seu sangue
a palabra hipócrita
dos curas pederastas;
é vella, burlona,
barriguda
e está corrupta
desde
o primeiro
ata o
último
verso
de deus e do carallo.

http://franalonso.blogspot.com.es/2014/01/a-xeito-de-poema-pornografico.html

Pero que son os poetas?
Coñezo xente que escribe versos e recita versos
e se chaman poetas,
pero eu na vida escribín senón sangue,
nin recitei nada
que antes non se untase en cuspe
ANTÓN LOPO

43

Cantiga

atento contento con tanto poeta
atento con tanto poeta contento
atento poeta con tanto contento
poeta contento con tanto atento
poeta contento con tanto atento
poeta contento con tanto atento
Ai Deus, e se contentará?

 

 

question

44

Estes poemas son…

para os poetas, para as poetas, para os críticos, para as críticas, para @s hackers,

e para nada, para ninguén, para nós, para os algoritmos, para os ciberokupas, para os ciberxornalistas, para os ciborg, para os consumistas, para os crackers, para os cybergoth, para os cyberpunk, para os hackers, para os hiperactivos, para os hipermercados, para os histriónicos, para os informáticos, para os metabuscadores, para os metapoetas, para os modernos, para os poetisos,para os políticos, para os prácticos, para os pragmáticos, para os programadores, para os publicistas, para os robots, para os técnicos, para os tecnócratas, para os tecnólogos, para os teóricos, para os top-model,  para os twitteiros, para os usuarios, para os wikipedas, para obama, para osama,

Nota: absterse os ignorantes, feridos, duros, imbélices e escuros

(Texto xerarquizado polo procesador de textos word, en sentido descendente e a partir da categoría de parágrafos e con manipulación puntual de tipo obama)

♦♦

No es más hondo el poeta en su oscuro subsuelo.
RAFAEL ALBERTI*

45

Hai poetas que escriben un día

Un poeta escribe debuxando malabarismos ao longo dunha liña recta trazada no aire.

Outro poeta escribe brincando dun lado a outro da mesma liña recta e na mesma dirección pero tentando non tocala.

Abaixo, o cemento.

46

A poesía na Biblia

Quen teña a verdade poética
que tire o derradeiro verso.

E aínda que Deus quixo vestirte con panos de materia, o Espírito levou tan alto o teu corazón, ata arrobarte eternamente en éxtase.
ALDA MERINI

http://www.youtube.com/watch?v=hI5xOZAJFIA

47

Poeta nacional

Dispuxo os poetas
no escenario,
contounos
sinalando co dedo, e
dixo:
—Un poeta nacional,
cantos versos tira mal?

E o elixido contestou:
—Dez.
—1, 2, 3, 4, 5, 6, 7, 8, 9 e 10.
Expulsado.

 

48

Sortes

O poema caeu
nun pozo.
Cos versos fixeron fuá.
Arremoto piti poto
Arremoto piti pa
a salvo
quero estar.

♦♦

 

49

Vías de auga

A poesía é
como a democracia,
fai augas pero non ten
alternativas.

A política é viscosa
A política é viscosa
A política é viscosa
A política é viscosa
A política é viscosa
A política é viscosa
A política é viscosa
A política é viscosa
A política é viscosa
 A poesía é

Ligazón poética

 

50

Gastropoesía

no me ensucie las palabras
no les quite su sabor
y límpiese bien la boca
si dice revolución.
MARIO BENEDETTI

Escríbase o boceto do poema.
Adóbese con recursos.
Bátase contra o corazón.
Déixese levedar o tempo dun salaio.
Salfírase con dúas pingas poecrème.
Déixese repousar.
Déitese sobre un leito de versos brancos.
Sírvase morno e cremoso,
con retrogusto brûlé.
Saboréese.
Esencia poética
en estado puro.

Poesía Crème Express!

 ♦♦

51

Posta a punto

Posmodernidade,
o verso que limpa máis limpo.
Cómprao.

♦♦

Poeta en paro ofrécese para escribir versos
en calquera estilo

 

52

Poética do (meu) silencio

Non falo para os ruís e poderosos
C. E. FERREIRO

Nin pronuncio nin me pronuncio.
Para quen escribimos @s poetas galeg@s de agora?
Silencio silente silandeiro amor
dazado.
Para quen recitamos @s poetas galeg@s de agora?
O ruído do meu tempo enmudeceu_me
n/a miña lingua.
Escribimos e cando escribimos parece que estamos S.O.S.
Recitamos e cando recitamos parece que estamos S.O.S.
Silencio silente silandeiro amor
dazado.
Menos mal que tivemos a Pondal!
Menos mal que tivemos a Pondal!
Escribimos e só quedan poetas.
Recitamos e só quedan poetas.

poetas*

*Nota: Detéctanse versos perdidos

Os meus versos de mocidade e de morte
–os meus versos, que ninguén le!–,
no po dos andeis dispersos
–que ningunha man toca!–
MARINA TSVIETÁIEVA

♦♦ Escoitar «Galegonía»
54

Extrato de vendas (best-sellers)

Título [narrativa]

Os soños do vampiro
Crepúsculo
O alquimista
Os piares da terra

Título [poesía]

Poemas malditos
Poétic@
Solpores do corazón

Exemplares

70.000.001
70.000.000
50.050.505
5.467.879

Exemplares

222
99
67

Coñeces a poética de Second Life?
15 millóns de persoas rexistradas.
Entra no metaverso.
http://secondlife.com

55

RIP

PPP
OOOOOO
EEEEEEE
SSSSSSSSSS
ÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍÍÍ
AAAAAA
AAAAAA
AAAAAA
AAAAA
AAAA
AAAA
AAAA
AAA
AAA
AAA

morreu no día de hoxe tendo recibido os Santos Sacramentos,
longa vida á poesía.
D.E.P.

bomba

56

Autopoética

eu es
eu es tou
eu es tou na
eu es tou na ra
eu es tou na ra zón
au to a fir ma ción
au

♦♦ ♦♦

 

A poesía é algo así nalgunhas persoas durante un
certo tempo algo no interior
Non ten nada que ver con nada
RYSZARD KAPUSCINSKI

58

Sentenzas

Nicholas Roerich dixo
onde hai paz hai cultura
onde hai cultura hai paz.

Un poeta dixo
a poesía tamén é utopía.

♦♦ Contradictio
60

Teoría do banal

Complementar coas citas das páxinas 58 e 65

Persecución

Con indiferenza,
recoñezo
a miña sombra
no pracer
da banalidade.

banal
66

Gústache a poesía?

[Sortes]

margarita pax 67

non

si

non

si

non

si

non

si

non si?

[Ou tamén «Poema do si e do non»]

67

A boca seca

boca boca
cabo cabo cabo cabo cabo cabo cabo cabo cabo cabo
bocaboca
boca a boca                                                gatopoetaOH
aboca a boca
abocaboca
abocaaboca
abocaseca
a boca seca
poeta

con las palabras vaciadas ¿que hacemos?
¿las damos que nos las llenen
o las rellenamos?
SAÚL YURKIEVICH

Ver Transición, páxina 49.

68

Razóns

Eu non escribo
sonetos
porque
son
neto
dun
soneto.

♦♦
69

Sinónimos

El sempre foi un poeta
maldito.
Perdón, está
mal dito:
El sempre foi
un poeta.

neutral

70

Negación da banalidade

—Que libro che gustaría escribir que aínda non escribiches?
—Gustaríame abordar, nun ensaio, cousas intrascendentes, esas ás que a historia da cultura ou do pensamento non lle prestan atención, pero que están na cotianidade da nosa vida diaria e que, en definitiva, nos condicionan moito máis do que parece.  

Atlántico Diario, 19/10/08, Entrevista a F. Alonso, por Manuel Vidal Villaverde
http://noticiasdefranalonso.blogspot.com.es/2008/10/fran-alonso-gustariame-abordar-nun.html

Calquera tentación pode afastarme deste oficio do verso
W.B. YEATS

71

Eu son poeta

EEUU si que son poeta.

star

Si clamáis, se oye como el rugir del león.
RUBÉN DARÍO

72

Esquirol

Son un puto poeta
corrompido
polo mercado.
Son un puto poeta
corrompido
polo tempo.
Outros deciden por min.
Escribo ás ordes
millonarias da industria salvaxe
nunha potentísima
lingua minorizada.
Non teño dignidade.
Por iso,
presento a miña dimisión.
A miña dimisión,
poetas.

Véndese libro de poemas, case rematado, pulido,
con citas, 73 páxinas, 3.600 euros.


♦♦

73

Tradición literaria

Co frío pónseme
pequena
e engrullada,
encollidiña, moldeable e amorosa
coma unha miñoca ante a morte.
Nesa posición, indefensa,
gústame acariciala,
sentir o seu tacto,
as súas cartilaxes xelatinosas
abeiradas entre as mans
até que, pouco a pouco,
coa calor do sangue,
recobra a forza indomesticable
e aburrida
que a predispón
para o sexo.
Para o verso.

Louvre_Paris

74

Autopoética (II)

Que por que onde quen
escribo cando
como
así que escribo coa boca
chea.

A un lector: Non te fíes do poema,
fillo da ausencia,
nin é intuición
nin é pensamento,
é o latexo do abismo.
MAHMUD DARWIX

75

Insolvencia

(pobreza léxica)

A miña poesía
ten menos palabras

por impago.

♦♦ 1.000 mg (Iolanda Zúñiga)

♦♦

 Ligazón poética

Véndese libro de poemas, case rematado, pulido,
con citas, 76 páxinas, 4.000 euros.

76

Conversa

 

Os poemas non deben comezar e acabar nun mesmo. O autor é un mediador (…). Debe ser humilde e permeable, deixar que o maremagnum das posibilidades creativas o sobrepase, (…) debe ceder o lugar de poeta ás voces do seu contorno, a polifonía é necesaria á hora de dinamizar a creatividade.
ELIAS KNÖRR

Despois dunha tarde escribindo poemas
métome na ducha
e só sinto
estancarse no embigo a auga morna que vén
da tubería.
LUÍSA CASTRO

Que se precisa para ser poeta?
Por enriba de todo hai que ser moi pouca cousa. Ser tan pouca cousa que sexas capaz de dicir «eu», que non che dea vergoña dicir «eu». Toda a poesía está fundamentada no eu, no sentimento, nas impresións, na sensibilidade individual, e iso é algo que a sociedade tende a limitar, porque é a súa función, e a arte ten que expandir. Un poeta non pode ser poeta se non di «eu».

Entrevista a L. CASTRO, por Belén Fortes en The Barcelona Review: http://www.barcelonareview.com/31/s_lc_ent.htm

77

Eu

Confeso que non me sinto só.
Sei que eu son varios eus,
que me conforman,
compartindo
soidades.
E todos pelexamos por facernos
un lugar.

✈

O eu dun poeta (psicoloxía?) é unha secesión: non substitúe, non transporta, non traslada o sentido.
CHUS PATO

78

Crise

O eu
morr eu?
a poesía
ía ía ía ía ía ía ía ía ía ía
e regresou
agora que ecoa a a a a a aa a a aa aa aaa aaaaaaaaaaa
e (non) revive ive ive ive ive ive ive ive ive ive ive ive ive IVE,
que aumenta en tempos de crise

(It’s a revival)

I’m death?

Confrontar poemas das páxinas  e 

79

Dilema

E se son poeta,
cando frego os pratos?

Ser poeta
limita o potencial pleno de un.
GREGORY CORSO

80

Sexismo

Isa é poeta
e por iso é poetisa.
Iso é poeta
e por iso non é poetiso.
A poesía
tamén
é
iso.

 

♂ ♀

 

 

♦♦

♦♦

♦♦

81

Poética da política

Podo prometer
e
prometo
ou
non é un interlocutor
válido
a poesía
nos orzamentos xerais do Estado.  

 

82

Política da poética*

«Hai unha poesía que actúa como fundamento das patrias e sen a cal non poderiamos entender o odio», apunta o pensador esloveno Slavoj Zizek (Liubliana, 1949). Por iso, propón: «Necesitamos controlar a poesía, tras cada limpeza étnica hai un poeta».

El PAÍS: «Detrás de cada limpieza étnica hay un poeta»

* Política da Opinión

83

Ninguén

nota-musical


Aquí che deixo, meu peito canso, aquí
che deixo,
aquí che deixo neste branco papel trillado, neste
percuro das horas.
MARÍA MARIÑO

♦♦

 

84

Debate

 

As razóns da poesía

LEONOR SILVESTRI
cultural@clarin.com
–Audre Lorde, a poeta e activista feminista lesbiana negra, sostén que a poesía é o xénero literario menos burgués porque un poema pode ser escrito mesmo entre as quendas de traballo nunha fábrica, a diferenza dunha novela que require gran cantidade de tempo ocioso.

http://www.clarin.com/suplementos/cultura/2006/12/02/u-01320044.htm

Cando a ira se espalla polo peito
hai que frear a lingua lingoreteira.
SAFO

Poeta, irmá: as palabras
–mesmo se queremos ou non–
permanecen de seu no tempo.
ADRIENNE RICH

85

Ciberpoesía

(citas)

♦♦

 

 

 

Radical or so-called innovative literary writing faces (& that means faces up to) the facts of life in the digital age.
BRUCE ANDREWS

88

Creación [literaria]

Deus é o mellor
e máis perfecto personaxe
de ficción
da historia da humanidade.

4 comments

anonimo said
vaia merda de poema.

medulio said
así está o nivel da poesía galega

unidad said
los nacionalistas sois unos irrespetuosos

lusitania said
é muito estranha, a poesia da Espanha

 

89

Burocracia

Os seus versos
non atoparon destinatario.
O poema con asunto «auxilio»
foi devolto polo servidor.
 Revise o seu enderezo electrónico
ou, se cre que pode deberse a un erro
de comunicación,
póñase en contacto co seu
servidor.

 

pegada

 

90

Ironía

http://www.baleiro.com

Páxina non atopada

As nosas perdas: entre dous e oito caídos
por día,
unha decena de feridos,
vinte casas,
cincuenta oliveiras
e mais o defecto estrutural que
viciará o poema, o drama e o cadro.
MAHMUD DARWIX

91

Poética do ciberactivismo?

http://www.poesia.com

Sentímolo,
ao caer a noite algunhas páxinas
abandonan discretamente
este servidor.

* Ten a certeza de que existe este nome de dominio?
O seu rexistro probablemente estea caducado.

Ollo, zona hacker!

Ligazón poética

93

Ciberpoética de nós outras

http://www.eutamennavegar.org
Aínda que este navegador ofrece actualizacións, neste momento non se atopa a disposición das usuarias.
♦♦
94

Antónimos 3.0

PRAGMATISMO FEMINISTA

:–)–8

—Gústanme as túas tetas –díxolle el.
A muller prendeu o bluetooth,
guindoullas sobre o peito
e marchou sen elas.

(Sobre Ángel González)

ECUMENISMO DO MACHO IBÉRICO

@tetero97

Difunde isto a través de RT:
( o ) ( o )
Son dúas grandiosas tetas!

95

Exclusión social

Sorry, your account has been disabled. [?]

Desactivada.
Desactivada.
Desactivada.

Google Accounts: I’m getting a message that says ‘Sorry, your account has been disabled.’

If you’ve been redirected to this page from the sign in page, it means that access to your Google Account has been disabled.

In most cases, accounts are disabled because of a perceived violation of either the Google Terms of Service or product-specific Terms of Service.

Desactivada.

♦♦ Ligazón poética
96

Traslado web

Esta tristeza que trago
Foi de vós que a recebi.
AMÁLIA RODRIGUES

A páxina Solitari@s non existe
ou mudou o seu enderezo :–(
Se ignora a nova ubicación
e o seu corazón é permeable
e depresivo prema nesta

Desexa un avatar distinto ao solicitado?

97

Desconcerto virtual

55678,mnbvcxz´çkjhgfdsaazxcvbnm,.-+`poiuytrewq        12345678904556<z9042ñ xcvbnm
55678,mnbvcxz´çkjhgfdsaazxcvbnm,.-+`poiuytrewq        12345678904556<z9042ñ Unha para o estómago
xxcvbnm1223+-*/=7896+335588424

Gym-sberg
Eu mirei os mellores
cerebros da miña xeración
estrompados contra o plinton
O LEO

 

101

Tentativa de acoso

Cada vez
que tento
achegarme a ti,
o teu firewall
impídeme o paso.
Se queres seguir
navegando
pola miña poética
debes cambiar
a túa configuración
e facerte
accesible
para min.

Ligazón poética

 

102

Poema 3.0

ruído

ruptura    intertextualidade

desafío  conectividade/connotación   incerteza

transfronteirizo  nov@s lector@s  palabrasglobo

incrustación  ex-presión     multimedia hiperignoto

pantallazo globalizacion  tuiteo

WhatsApp

paradigmatic

iNversos

repolo de betanzos

♦♦

Cóbreme unha espesa nube,
tal preñada de tormentas,
tal de soidás preñada
ROSALÍA DE CASTRO

103

Hoax

Asunto: Salvemos a poesía

Un virus moi perigoso
está a encher os versos de sentimentos
está a encher os versos de revolución social
pretende equiparar os versos á liberdade
pretende equiparar os versos ao pensamento
está a empregar os versos para fuxir das leis do mercado
está a empregar os versos para escandalizar
está a empregar os versos para obter prevendas e
notoriedade.

Se non o eliminas, o virus procederá á confusión total de conceptos n@s receptor@s

Procede do seguinte xeito:

–Fai clic no verso sospeitoso
–Se non os atopas, emprega a función BUSCAR; AR­QUI­VOS OU CARPETAS.
–Unha vez localizado, envíao á PAPELEIRA DE RECICLAXE. A continuación preme ELIMINAR.

SALVEMOS A POESÍA!!!!

POR FAVOR DIFUNDE ESTA MENSAXE


♦♦
104

Petitiononline

Vin as mellores mentes da miña xeración abducidas, vencidas, entregadas, embebidas de cocacola, arrastrándose coma tolos tras as proclamas de paulo coelho na procura da felicidade, culturetas de suplemento literario extasiados no ce­lestial deslumbramento do mercado, na fascinación das pan­tallas, dos monitores, renegando do verso dos poetas, da destreza intelectual, renunciando a si mesmos, descridos hipócritas, conformistas, merda disposta en estiba, merda por baixo e por riba, merda a dereita e á esquerda. Todo acugulado de merda.

Asina contra eles:

http://www.petitioonline.com/contraamerda

Vimos as mellores mentes da nosa xeración
destruídas polo aburrimento nos recitais de poesía.
LAWRENCE FERLINGHETTI

105

Poética*

Camuflouse discretamente
entre os millóns de resultados

dunha busca rápida.
Quixo confundirse entre eles…
…e mudou.

Gústame. A Cibrán Silleiro e a outros tres gústalles isto.

*7.010.000 resultados (0,20 segundos)
Suxestións
Poétic@ habilitou o seu historial de lecturas neste libro.
Por favor, anote os poemas logo do índice.

 

106

.exe

Se atopa un poema
titulado .exe non o lea;
fai desaparecer todos
os «es» dalgúns poemas.

tongue

107

Epitafio

Confesión

Y el poeta dijo al morir:
sinto deixar este mundo
sen escribir un poema profundo.

112

A morte do poeta

Este poemario
déixame espido
coma a un internauta con webcam;
déixame indefenso
coma a un cidadán ante a súa entidade bancaria.
A miña vida como poeta
rematou.
Estou morto.

Os versos assemelham-se a um corpo
quando cai
JOSÉ TOLENTINO MENDONÇA

113

Posdata

Aclaración

Crítico/a,
os meus versos
foron devastados
por unha cicloxénese explosiva.
Non puiden facer máis
na reconstrución
tediosa do poemario.

nota-musical

Esta casa estuvo dedicada a la labranza y a la muerte.
En su interior cunden las ortigas, pesan las flores sobre las maderas atormentadas por la lluvia.
ANTONIO GAMONEDA

117

Véndese libro de poemas, extenso, totalmente rematado,
algo corrosivo, pulido, con citas, 119 páxinas,
8.000 euros.

 ✉
Contactar

118

FIN

The End*

* Para os entusiastas do poeta que preside a páxina

119

Este sitio web emprega cookies para teres unha mellor experiencia de usuario. De continuares navegando dás o teu consentimento para aceptación das devanditas cookies e a aceptación da nosa política de cookies.

ACEPTAR
Aviso de cookies